Шөлейттену — бұл жаһандық экологиялық мәселе, ол қазіргі таңда дүние жүзінің көптеген аймақтарына әсер етуде. БҰҰ-ның деректеріне сәйкес, Жер шарының шамамен 40%-ы құрғақ және жартылай құрғақ аймақтарға жатады, әрі бұл жерлердің 70%-ына шөлейттену қауіп төндіреді. Шөлейттену нәтижесінде биологиялық өнім мен түр саны азайып, топырақ құнарсыздана бастайды. 1995 жылдың 30 қаңтарында Біріккен Ұлттар Ұйымының Бас Ассамблеясы 17 маусымды дүниежүзілік қуаңшылық пен шөлейттенуге қарсы күрес күні ретінде атап өту туралы шешім шығарды.